UNSPOKEN LOVE 2

Model: Ms Mapuii

---

Ziektu: H.Zate , Hmar Rûn

Sikul admission dingin Sikul kan vunin a huop tawka țha chu ka hei pan ve ta rawi a.  Phone  ka nei naw leiin a Sikul kai tumna indawn nuom hle langkhawm ka indawn thei naw a, Lo nei reng khawm ni lang ka ngam chuong der si nawh. A kai tumna hriet tumin ka buoi a, ka hriet thei nawh. A kaina ngeia kai ve ka nuom leiin ka sikul kaina ding khawm ka buoi a, chu el khawm chu ni lovin ka subject lak ding chenin ka thlang fel thei hlawl nawh. Kan sikul kaina lo inang naw sien, lo inang nisien kan subject lak inang nawk naw sien! ti velah ka buoi a, ka buoina kha ka nu le pa hriet ding nuom si lovinmani tawkin ka lo buoi ve em em a. Ka subject lak ding ka thlang a , Science ngei lak ka tum a. MIL ah ruok chu kan țawng le inhnai deu lak tumin form ka thelut a, ka zo vawng hnungin ka lungrilah, ‘A hung kai ve thut chun ama chun Hmar a lak ngei ngei ding ana!’ ti chu hung lutin, chu lei ringawt chun MIL-ah Hmar la dingin ka thutlukna chu ka zûk nawk a, ka form tehlut tak chu ka lakirin ka la thleng nawk vawng a! ‘Aw, Hmangaina lei hin mihriem hi a lo va hei inmawl thei ngei de aw!.

Sikul chu kan țan ta a. Kan vawi khat kaina a inthawk chun ka Morning Star chu ka zawng hmasa tak a. Ka hei hmu naw chie chun Kawlej kai ka lo chakna le ka phurna po po bovin ka zawi vawng a. Ka hriet phak tawk chun, ‘I țhang naw chun ni a sawtin kum hi a va sei awm de!’ ka ti sap a.

‘Mi’n absen tir el rawh di leiin,

Kei ka lungdihai an kai kim ve si nawh!’

 Hi hmangainaa luongliemna hi chu a lo inmawl a nih. Ni tin, kan Sikul ah a kai nawh ti ka hriet hnung khawmin ama hmu beiseiin ka la zawng a, ka mel kuol rak rak hlak.

Karkhat hnung chun  a Kawlej kaina ka hriet a, iengtin am hun hmang a ta? iengtin am a um ding? A classmate ah nuhmei hmelțha deu dam um an ta, an lo sai tluk el di’m? ti ringawt buoiin ka buoi nawk tah!

A Kawlej kaina ka hriet le inruolin a kainaa kai ve kan venga nuhmei pakhat chu ka biek țhaa, a chanchin chipchier takin ka lo indawn hlak. A Kawlej fe ding hin kan kawlej kaina kawla lam a hung hraw chang a um a, ka ruolhaiin an mi hril a. Ka zawng buoi nasa thei.

 Ka lungril le  ngaituona a  sie bo thei lo chu nitin a hmel hmu tumin ka zawng ruoi hlak a, kan kawlej kaina  an ang naw ti hre zing pumin a hung inlang thut beisei leiin ka zawng a. Sienkhawm, chu beiseina chu beiseina thamral ei a ni si.  Lungmawl hi dit ka thlang suol am ka mawl ka tuor zo naw khawm ka hrietthiem ta nawh.
Chuonga ni tina ka buoi lai chun ka ruolnu leh MS ka theinghil theina ding beiseiin ama ang deu, ka lungril hluotu ding kan Kawlejah chun kan zawng a. Sienkhawm, kan hmu nawh. Kan hmu si nawh. Kan kawlej a tlangval hmel țha le pieng nal tam tak lai khan ka lungril hluo dinga a hluotu MS nawrkieng zo an um nawh, an um mawl nawh.

Ni khat chu ka ruolhai leh  kan sikul țin lampui dunga thafan lo deuvin kan lawn   tung kha ,ka ring phak țhak lovin kan ral tieng a suk in a hung kan hmu a. Ka lo lawm taluo,nachu iengkhawm ka hril ding a or biekna ding ka hriet nawh. Kum tamtak hmu ta lo hmu nawk angin ka’n ngai hiel. “i vang lawm lawm, i va’n du char char’ ti bak ka hril hman nawh. ka ruolhai le an inbiek a a pawisa pai sun in kei le ka ruolhai ta ding fak thei a min chawkpek a, thu dang hril tam lovin ka ințhe tawl nghal a inbie in inhmu pui thei naw lang khawm ngaizawng a nei naw ti kha ka’n hnem na ana, ka lawm tho. 

MS kaina a kai ve ka ruolnu chun ngaizawng a nei thu a mi hril a, mak ka tiin na kanti kher el. Anchu, ieng am hril ka ta? Ka ngaizawng a ni naw a, a ngaizawng ka ni bawk nawh. ‘Keia lo cho phak ruol khawm a ni nawh!’ tiin ka inhnem a. Zan a sawtin, khum kil tawna inlet a, makhata zingkar dar hnia khawm hui pap pap a awl kherl el. 

Kha ni a inthawk khan chu iengtik khawm a lungril a hmun chang in ka ngaiven ang in mi ngaiven ngai naw ding a nih ti ka chieng ta a, Ama ngaituoa ka hun hmbg liem nekin heinghil ka tum lem ta a. Zanah ama ngaituoa suongtuona rama ka cheng zata, ka phu naw zie le kan sungkuo le an sungkuo inthlau zie ka hrietsuok zie chu ngaituo ta naw ka tum a. Ka thei nawh, ka thei hlawl nawh. Hmangaina hin a mi sukvet ni deu tak ta hin ka hriet. Ka hmangai le dit em emin a hlimna ding hmu a, ngaizawng a nei chu lawmpui ding ka ni lem ti ka hriet. Sienkhawm, ka thei nawh, a țhang lova ka tlei zo naw laia ka țhang lova a tlei thei bik el hi ka tuor nem thei mawl naw a nih.

An Sikul a ka ruolnuin, “motor thar an lak annawm,a ruol hai leh an lengsuok a”  tiin a chanchin a mi hril a, Ka lawmpui a, lawmpuina thu thawn ka nuom. Anachu, a lakah tlawm ngawi ngawiin ka inhriet si. 

  I  am very sad deep inside cos,  i felt so cheap infront of him,  a normal girl like me, he won’t even bother my presence while I watch every movement he made.

21 May 2017 | Guwahati
Sunzawm ding!—–>

(Higher Secondary/Sikul/College/Jr College ka lo hmang pawl nawk a ni khawm a, pawl 11-12 inchuk theina hmunah lo ngai el ro. )